Blogg í mótun :)

Þá er komið að því .... fyrsta bloggfærsla þessarar bloggsíðu okkar Jakobínu, þar sem við ætlum að mestu leyti að fjalla um crossfit og öllu sem því tengist eins og mataræði o.fl. Eins og segir í lýsingunni þá bý ég í Svíþjóð (Stockholm) og Jakobína á Íslandi (Seltjarnarnesi). Við æfum því crossfit í sitt hvoru landinu og förum eftir ólíku æfingaprógrammi. Jakobína fer eftir æfingaprógrammi sem sett er upp af CrossfitReykjavík og ég eftir prógrammi sem sett er upp af CrossfitNordic. Þar sem við erum eineggja tvíburar, með sama DNA þá verður áhugavert að bera saman árangur okkar en við munum reyna að vera duglegar að setja inn daglegar æfingar auk þess sem við munum setja inn alla hreyfingu sem við stundum utan hefðbundinna crossfitæfinga. 

Jakobína byrjaði að æfa crossfit fyrir tveimur árum síðan en ég byrjaði tæpu ári seinna en hún. Ég tel okkur frekar gott dæmi um það hversu miklum árangri er hægt að ná í crossfit. Þrátt fyrir að vera báðar í ágætis formi þegar við byrjuðum að æfa crossfit þá höfðum við ekki besta bakgrunninn, sem ég tel vera frjálsar íþróttir og fimleika. Við höfðum báðar æft sund í nokkur ár og svo kenndum við spinning (sem Jakó gerir enn) og stunduðum body pump með. Styrkurinn var því ekki mikill í byrjun en við höfum báðar náð ótrúlegum árangri á fremur stuttum tíma. Það verður því spennandi að sjá hvernig framhaldið verður en þrátt fyrir að vera að gera mikið af sömu æfingunum þá er uppsetning æfinganna ólík hjá okkur og inn á það verður komið í næstu bloggfærslum:) 


Elín